cnss..باش تعرف راسك واش مديكلاري بأنك متوقف عن العمل فشهر ابريل أم لا..؟؟؟
دليل جناح
اسئلة كثيرة جدا بالنسبة لتعويضات ال cnss ، باش تعرف راسك واش مديكلاري بانك متوقف عن العمل فشهر ابريل ام لا ، وان الديكلاراصيون تاعك خداتها ال cnss بعين الاعتبار ام لا خص يطلع ليك هاد الميساج لي فالصورة
دخل لهاد ليان
https://www.cnss.ma/Portail_cnss/dashboard
غيدخل مباشرة لفضاء المؤمن لهم ، غتلقا
se connecter
ايلا كنتي ديجا عندك المودباص فراه الامر سهل ، دخل الرقم تاع ال cnss تاعك ودخل لمودباص غتدخل للمنصة الشخصية تاعك لي فيها جميع المعلومات تاع خدمتك ، التصريحات لي نتا مصرح بيهم عدد النقاط لي عندك اخر تصريح تصرحتي بيه ووووو وكل مايتعلق بك
ايلا طلع طلع ليك الميساج لي فالصورة راك غتستافد وغتوصلك فلوسك وهي مسألة وقت وفقط بلا متبقا تحمق راسك ، طلع ليك غ الكمامة بلا داك الميساج ومامكتوبا فيه والو عرف راسك انك مغاتستافدش وال cnss بلا متبقا تسولها ولا تبقا شاد فيها وكتسنا لانها مغاتعطيك والو ، وخا يقوليك لباطرون تاعك راه ديكلاريتك شوف معاهم
كن على يقين ان السيت مكايكدبش ديكلاري را غيطلع ليك داك الميساج ماشي ديكلاري راه غيطلع خاوي وهانتا قطعتي الشك باليقين
لنفرض معندكش المودباص اشنو خصك دير فهاد الحالة
فبلاصت ماتورك على
se connecter
ورك على
créer mon compte
غايطلع ليك طابلو اخر غدخل دوك المعلومات لي مطلوبا منك فيه
نمرة ال cnss
نمرة لاكارط ناصيونال
تاريخ الازدياد
الايمال تاعك
رقم الهاتف الخاص بك اي الشخصي
غاتلقا واحد الارقام والحروف عاود نقلهم كيفما هوما
وهبط لتحت غتلقا واحد الخانة صغيرة فيها
j’ai lu et j’accepte ……
ورك عليها
صافي ودير
envoyer
غايوصلك ايمايل بعد دقائق فيه انك طلبتي الرقم السري الخاص بك وغاتتوصل بيه عبر البريد ، هادي مسألة عادية حيتاش كيصيفطوه ليك فبرا فالايام العادية
انما دابا مع الحجر يقدر يتعطل عليك اسبوع اسبوعين او اكثر ، يقدرو يصيفطوه ليك ف sms فنمرتك تاع التيليفون من بعد يومين او ثلاثة
لنفرض متوصلتيش بيه ، غدوز لاقرب وكالة قريبة ليك وغتدي معاك لاكارط ناصيونال غايعطيوه ليك فلبلاصة ، وبدا تتكونيكطا بيه وتبع كل مايتعلق بحالتك الوظيفية لدى cnss او اتاصل على الرقم 0522547054 وطلب ليهم المودباص تاعك غايعطيوه ليك انما حتى دير الخطوات لي وريتك للحصول عليه
هاد العملية من البديهيات كان عليك ديرها شحااال هادي لانها هي الطريقة باش كتارقب وضعيتك وتصريحاتك وضواصاك لي كتدفع وكل مايتعلق بك وكتعرف كلشي غ من تيليفونك ، وايلا باقي مدرتيهاش هانتا ديرها.
