قصيدة “دنيا واش من دنيا هذي” للزجال عبد الرحمان اجبيلو

عبد الرحمان اجبيلو

دنيا واش من دنيا هذي
وهذا الدنيا كلها مسامر

كل واحد في همو يدادي
لا راحة ف البال كل شي مغامر

هذا فنان وبفنو مخير قاقضي
بالكلاموا على الفن َماصابر

أنيق وجميل والأناقة حاضي
مابغى زحام ويسايس ف لخواطر

وهذا حمال بحالو عايش راضي
رزق الجوف يبات فيه مايتخاطر

اللّي جابو النهار اليل يديه
مغذي ومعشي وديما فاطر

وهدا البلية شداه ولصالتو معادي
ف الترسي يراهن ع لكيادر

نربح اليوم نربح غادا وهو غادي
لار باح شافو وديما خاسر

وهذا حسراف داخل لشبو شغلو فاضي
قلة الذراع ومافيه جهد وضاسر

فضولي وبالكذوب ديما بادي
نفعل وندير ويشهد الزور ما حاضر

الحصيل دنيا واش من دنيا هذي
ربي كبير ونعم بيه وبيها قادر