كل ما يجب أن تعرفه عن تطبيق وقايتنا الذي أطلقته وزارة الصحة

المغرب نيوز

كنا دائما كنهضرو على التقنية فالتعامل مع الكوڤيد وكيفاش دول مثل الصين وكوريا الجنوبية استاطعو انهم يحاوطو المرض وانتشارو باستعمال التقنيات الرقمية الحديثة ، اليوم المغرب خطا خطوة مايمكن لينا الا اننا نشجعوها ، نعم هي خطوة بسيطة انما بالمقارنة مع هاد الدولة وحالنا حنا غنلقاو انها خطوة كبيرة وجميلة وفعالة ، التطبيق عبارة عن منصة كتمكنك من تسجيل المناطق لي نتا كنتي فيها وكدا المخالطين ليك فديك المنطقة

الامر بسيط جدا..غتأنصطالي التطبيق غتوصلك رسالة فالرقم تاعك فيها كود باش تاكتيڤي التطبيق غيطلب منك انك تخدم لبلوتوت لانه جميع من سيتعمل هاد التطبيق غايخدم لبلوتوت ، ونتا كتتواجد فاي مكان فالشارع فالعمل فالسوق فالشوبير مارشي ، من كتكون فاحتكاك مع اي شخص او مجموعة اشخاص فمكان ما وانتم تستعملون هاد التطبيق لبلوتوت غيمكنكم من تبادل مجموعة من الكودات فيما بينكم بلا متقوم نتا او هو او هم او نحن بذلك

اوطوماتيكمون من تكون حدا اي واحد مانسطالي لابليكاصيون سيتم ذلك ، على اساس انه من غايكون اي واحد من دوك الناس بوزيتيف وعندو الكوڤيد وزارة الصحة غتعرف بالضبط شكون المخالطين ليه وفاي مكان او اماكن كان وشحال بالضبط كان معاه فداك المكان وغتتاصل بالارقام الهاتفية تاعهم باش يديرو التحليلة

التطبيق ماتجسس ماحتى لعبة لانه مكايطلب منك حتى معلومات شخصية او انك تمكنو من الدخول لباقي تطبيقات الهاتف تاعك او تصاورك او او ، فقط رقم الهاتف تاعك الشخصي وتاكتيڤي لبلوتوت من تكون خارج من الدار وفقط لا غير

دخل لهاد الرابط وتيليشارجيه  www.wiqaytna.ma

الامر منطقي ومهني ونكونو كاملين واعين ومسؤولين ونساعدو راسنا فالتغلب على الكوڤيد ومحاصرته…